ތަޢާރަފް

މި ޖަލްސާގެ ރިޔާސަތު ބެލެހެއްޓެވީ ކޮމިޝަނުގެ ރައީސް މުޙައްމަދު ޒާހިދެވެ. ޖަލްސާގައި ކޮމިޝަނުގެ 5 މެންބަރުން ބައިވެރިވެ ވަޑައިގެންނެވިއެވެ. އެއީ ކޮމިޝަނުގެ ރައީސް މުޙައްމަދު ޒާހިދު، ކޮމިޝަނުގެ ނައިބު ރައީސް ޢަބްދުއްރަޙްމާން ޞަލާޙް ރަޝީދު، ކޮމިޝަނުގެ މެންބަރު ޙަސަން ޒަކަރިއްޔާ، ކޮމިޝަނުގެ މެންބަރު ޢަބްދުލްޙަސީބު އިސްމާޢީލް އަދި ކޮމިޝަނުގެ މެންބަރު އަލްއުސްތާޛު ރިފްޢަތު ޢަބްދުﷲ އެވެ.

މި ޖަލްސާގައި ނިންމާފައިވާ ނިންމުންތައް ތިރީގައި މިވަނީއެވެ.

  1. ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު 2026 ގެ ވޯޓު ކަރުދާހުގައި ޖެހުމަށް ބީލަން ހުށަހަޅައިފައިވާ ފަރާތްތަކުން ހުށަހަޅައިފައިވާ ސެކިއުރިޓީ ފީޗަރސް އިވެލުއޭޓްކުރުމާ ގުޅޭ.

ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު 2026 ގެ ވޯޓު ކަރުދާހުގައި ޖެހުމަށް ބީލަން ހުށަހަޅައިފައިވާ ފަރާތްތަކުން ހުށަހަޅައިފައިވާ ސެކިއުރިޓީ ފީޗަރސް، ކޮމިޝަނުގެ މެންބަރުން އިވެލުއޭޓްކުރުމަށްފަހު، އެގޮތުގެމަތީން އިވެލުއޭޝަން ރިޕޯޓު ޓެންޑަރ ބޯޑާ މިއަދު ޙިއްޞާކުރުމަށް، އިންތިޚާބާ ގުޅިގެން ބޭއްވި 497 ވަނަ ޚާއްޞަ ޖަލްސާގައި ވަނީ ނިންމަވައިފައިއެވެ.