ތަޢާރަފް

މި ޖަލްސާގެ ރިޔާސަތު ބެލެހެއްޓެވީ ކޮމިޝަނުގެ ރައީސް މުޙައްމަދު ޒާހިދެވެ. ޖަލްސާގައި ކޮމިޝަނުގެ 5 މެންބަރުން ބައިވެރިވެ ވަޑައިގެންނެވިއެވެ. އެއީ ކޮމިޝަނުގެ ރައީސް މުޙައްމަދު ޒާހިދު، ކޮމިޝަނުގެ ނައިބު ރައީސް ޢަބްދުއްރަޙްމާން ޞަލާޙް ރަޝީދު، ކޮމިޝަނުގެ މެންބަރު ޑޮކްޓަރު މުޙައްމަދު ޒާހިރު، ކޮމިޝަނުގެ މެންބަރު ޙަސަން ޒަކަރިއްޔާ އަދި ކޮމިޝަނުގެ މެންބަރު ޢަބްދުލްޙަސީބު އިސްމާޢީލް އެވެ.

 

މި ޖަލްސާގައި ނިންމާފައިވާ ނިންމުންތައް ތިރީގައި މިވަނީއެވެ.

 1. ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު 2026 ގެ މަސައްކަތްތަކަށް ނަގާފައިވާ މުވައްޒަފުންގެ ތެރެއިން، ވަޒީފާއިން ވަކިވުމަށް އެދިފައިވާ ތިރީގައި މިދަންނަވާ މުވައްޒަފުންނާގުޅޭ.

ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު 2026 ގެ މަސައްކަތަށް ނަގާފައިވާ މުވައްޒަފުންގެ ތެރެއިން، ކޮމިޝަނުގެ ވަޒީފާއިން ވަކިވުމަށް ހުށަހަޅާ މުވައްޒަފުންނާއި އަދި ވަކިގޮތެއް ނާންގާ ކޮމިޝަނުގެ މަސައްކަތަށް ނުނިކުންނަ މުވައްޒަފުން އިދާރީގޮތުން ވަކިކުރުމަށްފަހު، އެކަން އެންޑޯޒްކުރުމަށް ކޮމިޝަނަށް ހުށަހެޅުމަށް ކޮމިޝަނުގެ 888 ވަނަ ޢާންމު ޖަލްސާގައި ނިންމަވައިފައިވާ ނިންމެވުމާ ގުޅިގެން، އެގޮތުގެމަތީން، ސިސްޓަމްސް އެޑްމިނިސްޓްރޭޝަން ސެކްޝަނުގެ ޓެކް އޮފިސަރ (ޖީ.އެސް 3)، މުންފިޒް އިބްރާހީމް އަދި، ފައިނޭންސް ސެކްޝަނުގެ އޮފިސަރ (ޖީ.އެސް 3) ޒައިނާ ރަޝީދު 2026 ފެބުރުވަރީ 06 ވަނަ ދުވަހުން ފެށިގެން، ކޮމިޝަނުގެ ގަވާއިދުގައި ބަޔާންކޮށްފައިވާ ގޮތުގެމަތީން، ވަޒީފާއިން ވަކިކުރުމަށް އިދާރީގޮތުން ނިންމަވައިފައިވާ ނިންމުން، އެގޮތުގެމަތީން އެންޑޯޒްކުރުމަށް، ކޮމިޝަނުގެ 911 ވަނަ ޢާންމު ޖަލްސާގައި ވަނީ ނިންމަވައިފައިއެވެ.

 

  2. ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު 2026 ގެ މަސައްކަތަށް ބޭނުންވާ މުވައްޒަފުން ނެގުމާގުޅޭ.

ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު 2026 އަށް ބޭނުންވާ މުވައްޒަފުން ހޯދުމަށް މި ކޮމިޝަނުން ކޮށްފައިވާ ނަންބަރު:(IUL)38-BB/38/2025/123 އަދި (IUL)38-BB/38/2025/260 އިޢުލާނާ ގުޅިގެން، ކޮމިޝަނަށް އެޕްލިކޭޝަން ފޯމު ހުށަހަޅާފައިވާ ފަރާތްތަކުގެ ތެރެއިން، ޝަރުޠުހަމަވާ ފަރާތްތަކުގެ ތަޢުލީމީ ފެންވަރާއި މަސައްކަތުގެ ތަޖުރިބާއަށް ބެލުމަށްފަހު، ކުރެވުނު އިންޓަރވިއު އަދި އިމްތިޙާނުގެ ނަތީޖާއަށް ބިނާކޮށް އެންމެ މަތިން މާރކްސް ލިބިފައިވާ ފަރާތްތައް، ގަވާއިދާއި އުޞޫލާ އެއްގޮތްވާ ގޮތުގެމަތީން ވަޒީފާއަށް ނެގުމުގެ ކުރިން ބަލަންޖެހޭ ކަންކަމަށް ބެލުމަށްފަހު، ރަޖިސްޓްރޭޝަން ސެކްޝަންގެ އޮފިސަރ (ޖީ.އެސް 3) ގެ މަޤާމަށް، މއ.ބިންކޮޅު، މާލެ، މަރްޔަމް ޝަރީފް އަދި، އިލެކްޓޯރަލް މެނޭޖްމަންޓް ސެކްޝަންގެ އެސިސްޓަންޓް ލޮޖިސްޓިކްސް އޮފިސަރ (ޖީ.އެސް 3) ގެ މަޤާމަށް ގ.ނަސީމުގެ، މާލެ، ޝައުން އަންވަރު ޢަލީ ހަމަޖެއްސުމަށް، ކޮމިޝަނުގެ 911 ވަނަ ޢާންމު ޖަލްސާގައި ވަނީ ނިންމަވައިފައިއެވެ.

 

   3. ޖަނަވަރީ 2026 ގެ ޚަރަދު ރިޕޯޓާގުޅޭ.

ޖަނަވަރީ 2026 ގެ ޚަރަދު ރިޕޯޓު، ފައިނޭންސް ސެކްޝަނުން ހުށަހަޅާފައިވާ ގޮތުގެމަތީން، އެންޑޯޒްކުރުމަށް، ކޮމިޝަނުގެ 911 ވަނަ ޢާންމު ޖަލްސާގައި ވަނީ ނިންމަވާފައެވެ.

އަދި ކޮމިޝަނަށް ލިބެންޖެހޭ ފައިސާތަކާ ގުޅިގެން، ލީގަލް އެންޑް ޕޮލިޓިކަލް ޕާޓީ ރެގިއުލޭޝަން ސެކްޝަނާ މަޝްވަރާކުރުމަށްފަހު، ޤާނޫނީގޮތުން ބަލަންޖެހޭ ކަންކަން ބެލުމަށްފަހު، އެ ފައިސާތަކާ ގުޅިގެން ކޮމިޝަނުން މީގެކުރީން ނިންމަވައިފައިވާ ނިންމުންތައް ރިވިއުކުރުމަށް ކޮމިޝަނަށް ހުށަހެޅުމަށް، ކޮމިޝަނުގެ 911 ވަނަ ޢާންމު ޖަލްސާގައި ވަނީ ނިންމަވައިފައިއެވެ.

 

މީގެ އިތުރުން، ކުރިއަށްއޮތް ތަނުގައި ޚަރަދު ރިޕޯޓު ކޮމިޝަނަށް ހުށަހަޅާއިރު، ކޮންމެހެން ކުރަންޖެހޭ ޚަރަދުތައް ކޮމިޓްމަންޓްސްގެ ގޮތުގައި ހިމަނައި، ބާކީގެ ގޮތުގައި އޮންނަ ޢަދަދަކީ މި ދެންނެވި ޚަރަދުތައް (ކޮމިޓްމަންޓްސްތައް) އުނިކުރުމަށްފަހު ބަޖެޓުގެ ބާކީކަމުގައި، ރިޕޯޓުގައި ފެންނާނެހެން ބަޔާންކުރުމަށް، ކޮމިޝަނުގެ 911 ވަނަ ޢާންމު ޖަލްސާގައި ވަނީ ނިންމަވާފައެވެ.

 

  4. ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއަށް 8 ވަނަ އިޞްލާޙު ގެނައުމުގެ ބިލަށް ރައްޔިތުންގެ ޚިޔާލު ހޯދުމުގެ ޢާންމު ވޯޓު، ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު 2026 އާއެކު ބޭއްވުމަށް ކޮމިޝަނުން ނިންމަވާފައިވާތީ އެގޮތުގެމަތީން، އެ ވޯޓު ނެގުމަށް ލަފާކުރާ ބަޖެޓާގުޅޭ.

2026 އެޕްރީލް 4 ގައި ބޭއްވުމަށް ހަމަޖެހިފައިވާ ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބާއެކު ބޭއްވުމަށް ހަމަޖެހިފައިވާ ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއަށް 8 ވަނަ އިޞްލާޙު ގެނައުމުގެ ބިލަށް ރައްޔިތުންގެ ޚިޔާލު ހޯދުމުގެ ޢާންމު ވޯޓާ ގުޅިގެން ފައިނޭންސް ސެކްޝަނުން ހުށަހަޅާފައިވާ -/ 23,918,423 ރުފިޔާގެ ބަޖެޓު، ހުށަހަޅާފައިވާ ގޮތުގެމަތީން، ކޮމިޝަނުގެ 911 ވަނަ ޢާންމު ޖަލްސާގައި ވަނީ ފާސް ކުރައްވައިފައިއެވެ.

 

   5. ކޮމިޝަން އޮން އިލެކްޝަންސް  އޮފް ދަ ފިލިޕީންސް އަދި އޭޝިއަން ނެޓްވާރކް ފޯ ފްރީ އިލެޝަންސް (އެންފްރެލް) ގުޅިގެން، 2026 އެޕްރީލް 21 އިން 23 އަށް، ފިލިޕީންސްގައި ބޭއްވުމަށް ހަމަޖެހިފައިވާ 7 ވަނަ އޭޝިއަން އިލެކްޓޯރަލް ސްޓޭކްހޯލްޑަރސް ފޯރަމްގައި ބައިވެރިވުމަށްއެދި، ކޮމިޝަން އޮން އިލެކްޝަންސް  އޮފް ދަ ފިލިޕީންސް އިން މިކޮމިޝަނަށް ފޮނުވާފައިވާ ދަޢުވާތާގުޅޭ.

ކޮމިޝަން އޮން އިލެކްޝަންސް  އޮފް ދަ ފިލިޕީންސް އަދި އޭޝިއަން ނެޓްވާރކް ފޯ ފްރީ އިލެޝަންސް (އެންފްރެލް) ގުޅިގެން، 2026 އެޕްރީލް 21 އިން 23 އަށް، ފިލިޕީންސްގައި ބޭއްވުމަށް ހަމަޖެހިފައިވާ 7 ވަނަ އޭޝިއަން އިލެކްޓޯރަލް ސްޓޭކްހޯލްޑަރސް ފޯރަމްގައި، ނައިބު ރައީސް ޢަބްދުއްރަޙްމާން ޞަލާޙް ރަޝީދު، ސެކްރެޓަރީ ޖެނެރަލް ޢަބްދުﷲ އުނައިސް، އެޑްމިނިސްޓްރޭޝަން އެންޑް އިންފޮމޭޝަން ޓެކްނޮލޮޖީ ޑިވިޜަންގެ ޑިރެކްޓަރ މުޙައްމަދު ޢަނީލް އަދި، އިލެކްޓޯރަލް މެނޭޖްމަންޓް ސެކްޝަންގެ އެސިސްޓެންޓް ޑިރެކްޓަރ ވިޝާޙް ސަޢީދު މިކޮމިޝަނުގެ ފަރާތުން ބައިވެރިވުމަށް، ކޮމިޝަނުގެ 911 ވަނަ ޢާންމު ޖަލްސާގައި ވަނީ ނިންމަވާފައެވެ.

 

   6. އިލެކްޝަންސް ކޮމިޝަނުގެ މެންބަރުންނާއި މެންބަރުންގެ ބެލެނެވެރިކަމުގެ ދަށުގައިވާ ފަރާތްތަކުގެ އިންޝުއަރެންސް 2026 މާރިޗު 01 އިން 2027 ފެބުރުވަރީ 28 ގެ ނިޔަލަށް ހޯދުމާގުޅޭ.

އިލެކްޝަންސް ކޮމިޝަނުގެ މެންބަރުންނާއި މެންބަރުންގެ ބެލެނެވެރިކަމުގެ ދަށުގައިވާ ފަރާތްތަކުގެ އިންޝުއަރެންސް 2026 މާރިޗު 01 އިން 2027 ފެބުރުވަރީ 28 ގެ ނިޔަލަށް ހޯދުމަށް، އެލައިޑް އިންޝުއަރެންސް ކޮމްޕެނީއިން ހުށަހަޅާފައިވާ އެ ކުންފުނީގެ ކޯޕަރޭޓް ގުރޫޕް ހެލްތް އިންޝުއަރެންސް ފޯ އިލެކްޝަންސް ކޮމިޝަން، ހުށަހަޅާފައިވާ ގޮތުގެމަތީން އެންޑޯޒްކުރުމަށް، ކޮމިޝަނުގެ 911 ވަނަ ޢާންމު ޖަލްސާގައި ވަނީ ނިންމަވާފައެވެ.

 

   7. ކޮމިޝަނުގެ މެންބަރުންނާއި މެންބަރުންގެ ބެލެނެވެރިކަމުގެ ދަށުގައިވާ ފަރާތްތަކުގެ އިންޝުއަރެންސް އާ ގުޅޭ.

ނިމިދިޔަ 2025 ވަނަ އަހަރު މިކޮމިޝަނުން އިންޝުއަރެންސް ޕޮލިސީ ނަގާފައިވާ ފަރާތަކަށް ލިބިފައިވަނީ އެންމެ 15 ދުވަހުގެ އިންޝުއަރެންސްގެ ޚިދުމަތެއް ކަމުން، 2025 ޖަނަވަރީ 16 އިން 2025 ޑިސެންބަރު 31 ގެ ނިޔަލަށް އެ ފަރާތުގެ ނަމުގައި، އެލައިޑް އިންޝުއަރެންސް ކޮމްޕެނީއަށް މިކޮމިޝަނުން ދައްކާފައިވާ ފައިސާ ރީ-ފަންޑުކޮށްދިނުމަށްއެދި، އެލައިޑް އިންޝުއަރެންސަށް ލިޔުމަށް، ކޮމިޝަނުގެ 911 ވަނަ ޢާންމު ޖަލްސާގައި ވަނީ ނިންމަވާފައެވެ

 

މީގެ އިތުރުން، މިހާރު ބޭނުން ކުރަމުންދާ އިންޝުއަރެންސް ޕޮލިސީގެ ދަށުން، ޞިއްޙީ ޚާއްޞަ ޙާލަތްތައް ކަވަރނުކުރުމުގެ ސަބަބުން އިންޝުއަރެންސްގެ ޚިދުމަތް އެންމެ ފުރިހަމަ ގޮތުގައި ބޭނުންނުހިފޭތީވެ، ޞިއްޙީ ފަރުވާ ހޯދުމުގައި ދިމާވާ ދަތިތައް ޙައްލުކުރުމަށް ދަޢުލަތުގެ ކަމާގުޅުންހުރި މުއައްސަސާތަކާ ވާހަކަ ދެއްކުމަށްވެސް، ކޮމިޝަނުގެ 911 ވަނަ ޢާންމު ޖަލްސާގައި ވަނީ ނިންމަވާފައެވެ.