ތަޢާރަފް

މި ޖަލްސާގެ ރިޔާސަތު ބެލެހެއްޓެވީ ކޮމިޝަނުގެ ރައީސް މުޙައްމަދު ޒާހިދެވެ. ޖަލްސާގައި ކޮމިޝަނުގެ 5 މެންބަރުން ބައިވެރިވެ ވަޑައިގެންނެވިއެވެ. އެއީ ކޮމިޝަނުގެ ރައީސް މުޙައްމަދު ޒާހިދު، ކޮމިޝަނުގެ ނައިބު ރައީސް ޢަބްދުއްރަޙްމާން ޞަލާޙް ރަޝީދު، ކޮމިޝަނުގެ މެންބަރު ޙަސަން ޒަކަރިއްޔާ، ކޮމިޝަނުގެ މެންބަރު ޢަބްދުލްޙަސީބު އިސްމާޢީލް އަދި ކޮމިޝަނުގެ މެންބަރު އަލްއުސްތާޛް ރިފްޢަތު ޢަބްދުﷲ އެވެ.

 

މި ޖަލްސާގައި ނިންމާފައިވާ ނިންމުންތައް ތިރީގައި މިވަނީއެވެ.

  1.ސިސްޓަމް އެޑްމިނިސްޓްރޭޝަން ސެކްޝަނުގެ އޮފިސަރ މަޤާމަށް މުވައްޒަފަކު ނެގުމާގުޅޭ.

ސިސްޓަމް އެޑްމިނިސްޓްރޭޝަން ސެކްޝަނުގެ އޮފިސަރ (ޖީއެސް 3/ ދާއިމީ) ގެ މަޤާމަށް މުވައްޒަފަކު ހޯދުމަށް މި ކޮމިޝަނުން ކޮށްފައިވާ ނަންބަރު: (IUL)38-BB/38/2026/53އިޢުލާނާ ގުޅިގެން، ކޮމިޝަނަށް އެޕްލިކޭޝަން ފޯމު ހުށަހަޅާފައިވާ ފަރާތްތަކުގެ ތެރެއިން، ޝަރުޠުހަމަވާ ފަރާތްތަކުގެ ތަޢުލީމީ ފެންވަރާއި މަސައްކަތުގެ ތަޖުރިބާއަށް ބެލުމަށްފަހު، ކުރެވުނު އިންޓަރވިއު އަދި އިމްތިޙާނުގެ ނަތީޖާއަށް ބިނާކޮށް އެންމެ މަތިން މާރކްސް ލިބިފައިވާ ފަރާތްތައް، ގަވާއިދާއި އުޞޫލާ އެއްގޮތްވާ ގޮތުގެމަތީން ވަޒީފާއަށް ނެގުމުގެ ކުރިން ބަލަންޖެހޭ ކަންކަމަށް ބެލުމަށްފަހު، ސިސްޓަމް އެޑްމިނިސްޓްރޭޝަން ސެކްޝަނުގެ އޮފިސަރ (ޖީއެސް 3/ ދާއިމީ) ގެ މަޤާމަށް  ސީވޭވްސް، ށ.ކޮމަންޑޫ، އަޙްމަދު ރިފްޢަތު ހަމަޖެއްސުމަށް، ކޮމިޝަނުގެ 912 ވަނަ ޢާންމު ޖަލްސާގައި ވަނީ ނިންމަވާފައެވެ.

 

   2. ޓާސްކްފޯސް މުވައްޒަފުން ވަޒީފާއިން ވަކިކުރުމާގުޅޭ.

ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު 2026 ގެ މަސައްކަތްތަކަށް ނަގާފައިވާ މުވައްޒަފުންގެ ތެރެއިން، ކޮމިޝަނުގެ ވަޒީފާއިން ވަކިވުމަށް ހުށަހަޅާ މުވައްޒަފުންނާއި އަދި ވަކިގޮތެއް ނާންގާ ކޮމިޝަނުގެ މަސައްކަތަށް ނުނިކުންނަ މުވައްޒަފުން އިދާރީގޮތުން ވަކިކުރުމަށްފަހު، އެކަން އެންޑޯޒްކުރުމަށް ކޮމިޝަނަށް ހުށަހެޅުމަށް ކޮމިޝަނުގެ 888 ވަނަ ޢާންމު ޖަލްސާގައި ނިންމަވާފައިވާ ނިންމެވުމާ ގުޅިގެން، އެޑްމިނިސްޓްރޭޝަން އެންޑް ސަޕޯޓް ސަރވިސް ސެކްޝަންގެ ލޮޖިސްޓިކްސް އޮފިސަރ، އަލްޠާފް ޙަސަން 2026 ފެބުރުވަރީ 14 ވަނަ ދުވަހުން ފެށިގެން ކޮމިޝަނުގެ ވަޒީފާއިން ވަކިކުރުމަށާއި، އެޑްމިނިސްޓްރޭޝަން އެންޑް ސަޕޯޓް ސަރވިސް ސެކްޝަންގެ މަސައްކަތު، ނަސީމާ މުޙައްމަދު 2026 ފެބުރުވަރީ 16 ވަނަ ދުވަހުން ފެށިގެން ކޮމިޝަނުގެ ވަޒީފާއިން ވަކިކުރުމަށާއި،  ޕަބްލިކް ރިލޭޝަންސް ސެކްޝަންގެ އޮފިސަރ، އަޙްމަދު ޔައީޝް ރަފީޢު 2026 ފެބުރުވަރީ 19 ވަނަ ދުވަހުން ފެށިގެން ކޮމިޝަނުގެ ވަޒީފާއިން ވަކިކުރުމަށާއި، އަދި ރަޖިސްޓްރޭޝަން ސެކްޝަންގެ އޮފިސަރ، ޢާއިޝަތު ލީމް ޢަބްދުލްމަޖީދު 2026 ފެބުރުވަރީ 21 ވަނަ ދުވަހުން ފެށިގެން ކޮމިޝަނުގެ ވަޒީފާއިން ވަކިކުރުމަށް އިދާރީގޮތުން ނިންމާފައިވާ ނިންމުން، އެގޮތުގެމަތީން، އެންޑޯޒްކުރުމަށް، ކޮމިޝަނުގެ 912 ވަނަ ޢާންމު ޖަލްސާގައި ވަނީ ނިންމަވައިފައެވެ.

 

  3. ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު 2026 ގެ މަސައްކަތަށް ޑްރައިވަރުން ވީއްލައިގެން ގެނައުމާގުޅޭ.

ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު 2026 ގެ މަސައްކަތްތަކަށް ބޭނުންވާ މުވައްޒަފުންގެ ތެރެއިން، ޑްރައިވަރުގެ މަޤާމަށް މީހުން ހޯދުމަށް ކޮށްފައިވާ އިޢުލާންތަކަށް މުވައްޒަފުން ލިބިފައިނުވާތީވެ، ހިއުމަން ރިސޯސް މެނޭޖްމެންޓް ސެކްޝަނުން ހުށަހަޅާފައިވާ ގޮތުގެމަތީން، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ ޕލޑ އިން ވީއްލައިގެން ދެ ޑްރައިވަރުން ގެނައުން އެންމެ ރަނގަޅުކަމަށާއި، އަދި މިގޮތަށް ގެނެވޭ ޑްރައިވަރުންނަށް ކޮމިޝަނުގެ އުޅަނދުތައް ދުއްވުމުގައި ޚާއްޞަ ސަމާލުކަމެއް ދިނުމަށާއި، ކޮމިޝަނުގައި ވަޒީފާ އަދާކުރަމުންދާ މުއްދަތުގައި އެއްވެސް ގޮތަކަށް ސިޔާސީ ޙަރާތެއްގައި ބައިވެރި ނުވެވޭނެކަމަށް، ވީއްލައިގެން ގެނެވޭ ފަރާތްތަކާއި މުއައްސަސާތަކުގައި ދަންނަވައި، އެގޮތުގެމަތީން ވަޒީފާގެ ކަންކަން ހަމަޖެއްސުމަށް، ކޮމިޝަނުގެ 912 ވަނަ ޢާންމު ޖަލްސާގައި ވަނީ ނިންމަވައިފައެވެ.

 

އަދި، އިންތިޚާބުތަކުގެ މަސައްކަތްތަކަށް ނަގާ ފަރާތްތައް ހަމަޖެއްސުމާއި، ދެވޭ ޢުޖޫރައާއި ޢިނާޔަތްތަކާއި، އެ ފަރާތްތައް ޢައްޔަންކުރުމާ ގުޅޭ އުޞޫލާ އެއްގޮތްވާ ގޮތުގެމަތީން ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު 2026 ގެ މަސައްކަތްތަކަށް ބޭނުންވާ މުވައްޒަފުން ވީއްލައިގެން ގެނައުން އެންމެ ރަނގަޅުކަމަށާއި، އެގޮތުގެމަތީން ކޮމިޝަނަށް ހުށަހަޅާއިރު ވީއްލައިގެން ގެނެވޭ ފަރާތްތަކުގެ މަޢުލޫމާތާއެކު ކޮމިޝަނަށް ހުށަހެޅުމަށްވެސް، ކޮމިޝަނުގެ 912 ވަނަ ޢާންމު ޖަލްސާގައި ވަނީ ނިންމަވައިފައެވެ.

 

  4. ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު 2026 އަށް ބޭނުންވާ މުވައްޒަފުން ނެގުމާގުޅޭ.

ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު 2026 ގެ މަސައްކަތްތަކަށް ބޭނުންވާ މުވައްޒަފުންގެ ތެރެއިން، ޤައުމީ ކޮމްޕްލެއިންޓްސް ބިއުރޯއަށް މެންބަރުން ހޯދުމަށް މި ކޮމިޝަނުން ކޮށްފައިވާ ނަންބަރު: (IUL)38-BB/38/2026/33އިޢުލާނާ ގުޅިގެން، ކޮމިޝަނަށް އެޕްލިކޭޝަން ފޯމު ހުށަހަޅާފައިވާ ފަރާތްތަކުގެ ތެރެއިން، ޝަރުޠުހަމަވާ ފަރާތްތަކުގެ ތަޢުލީމީ ފެންވަރާއި މަސައްކަތުގެ ތަޖުރިބާއަށް ބެލުމަށްފަހު، ކުރެވުނު އިންޓަރވިއު އަދި އިމްތިޙާނުގެ ނަތީޖާއަށް ބިނާކޮށް އެންމެ މަތިން މާރކްސް ލިބިފައިވާ ފަރާތްތައް، ގަވާއިދާއި އުޞޫލާ އެއްގޮތްވާ ގޮތުގެމަތީން ވަޒީފާއަށް ނެގުމުގެ ކުރިން ބަލަންޖެހޭ ކަންކަމަށް ބެލުމަށްފަހު، ޤައުމީ ކޮމްޕްލެއިންޓްސް ބިއުރޯއަށް މެންބަރުންގެ ގޮތުގައި، ފަހެލާ، ގއ.ކޮނޑޭ އަޙްމަދު މުޢާވިޔަތު ޤާސިމް، ބޯގަންވިލާ، ފ.ނިލަންދޫ އަޙްމަދު ރަޝީދު، މުތް 2، މާލެ، އަމްހަރު މުޙައްމަދު، ފްލެޓް ނަންބަރު 04-ޖީ-06 ހުޅުމާލެ، އަޙްމަދު ޝުޖާޢު ޝަރީފް ހަމަޖެއްސުމަށް، ކޮމިޝަނުގެ 912 ވަނަ ޢާންމު ޖަލްސާގައި ވަނީ ނިންމަވައިފައެވެ.

 

އިސްވެ ދެންނެވުނު ނިންމެވުމާ ގުޅިގެން، ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު 2026 ގެ ޤައުމީ ކޮމްޕްލެއިންޓްސް ބިއުރޯ، ތިރީގައި މިދަންނަވާ މެންބަރުންނާއެކު އެގޮތުގެމަތީން އެންޑޯޒްކުރުމަށްވެސް، ކޮމިޝަނުގެ 912 ވަނަ ޢާންމު ޖަލްސާގައި ވަނީ ނިންމަވައިފައެވެ.

 

ޤައުމީ ކޮމްޕްލެއިންޓްސް ބިއުރޯގެ މެންބަރުން

1. ޤައުމީ ކޮމްޕްލެއިންޓްސް ބިއުރޯގެ މެންބަރު، ޑރ.ފާޠިމަތު މުނާ

2. ޤައުމީ ކޮމްޕްލެއިންޓްސް ބިއުރޯގެ މެންބަރު، އަޙްމަދު މުޢާވިޔަތު ޤާސިމް

3. ޤައުމީ ކޮމްޕްލެއިންޓްސް ބިއުރޯގެ މެންބަރު، އަޙްމަދު ރަޝީދު

4 ޤައުމީ ކޮމްޕްލެއިންޓްސް ބިއުރޯގެ މެންބަރު، އަމްހަރު މުޙައްމަދު

5. ޤައުމީ ކޮމްޕްލެއިންޓްސް ބިއުރޯގެ މެންބަރު، އަޙްމަދު ޝުޖާޢު ޝަރީފް

 

   5. 2025 ވަނަ އަހަރުގެ އަހަރީ ރިޕޯޓު ކޮމިޝަނާ ޙިއްޞާ ކުރުމާގުޅޭ.

ޕްލޭނިންގ، ޕޮލިސީ އެންޑް ރިސަރޗް ސެކްޝަނުން ހުށަހަޅާފައިވާ ގޮތުގެމަތީން 2025 ވަނަ އަހަރުގެ މިކޮމިޝަނުގެ އަހަރީ ރިޕޯޓު ފާސްކުރުމަށް، ކޮމިޝަނުގެ 912 ވަނަ ޢާންމު ޖަލްސާގައި ވަނީ ނިންމަވައިފައެވެ.

 

އަދި މި ރިޕޯޓުގައި ސިޔާސީ ޕާޓީތަކަށާއި، އިންތިޚާބުތަކަށް އަދި އިދާރީ ބަޖެޓުގެ ގޮތުގައި ކޮމިޝަނަށް ލިބުނު ބަޖެޓާއި، ޚަރަދުވި ފައިސާ އެނގޭނެހެން މި 3 ބައި ވަކިވަކިން ހިމެނުމަށްވެސް، ކޮމިޝަނުގެ 912 ވަނަ ޢާންމު ޖަލްސާގައި ވަނީ ނިންމަވައިފައެވެ.

 

   6. ޓެކްނިކަލް ކޮމިޓީ އައްޔަން ކުރުމާގުޅޭ.

ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު 2026 ގެ ވޯޓު ކަރުދާސް ޗާޕްކުރާ ތަނުގެ ސެކިއުރިޓީ އެސެސްމަންޓް ޗެކްކުރުމަށްޓަކައި ކޮމިޓީ، ތިރީގައި މިދަންނަވާ ގޮތުގެމަތީން އެކުލަވާލުމަށް، ކޮމިޝަނުގެ 912 ވަނަ ޢާންމު ޖަލްސާގައި ވަނީ ނިންމަވައިފައެވެ.

ކޮމިޓީ

1. ސެކްރެޓަރީ ޖެނެރަލް ޢަބްދުﷲ އުނައިސް.

2. އިލެކްޓޯރަލް މެނޭޖްމަންޓް ޑިވިޜަންގެ ޑިރެކްޓަރ ޝަހުލާ އިސްމާޢީލް.

3. ހިއުމަން ރިސޯސް އެންޑް ފައިނޭންސް ޑިވިޜަންގެ ޑިރެކްޓަރ ޢާއިޝަތު ޝައްފާފް.

4. އިލެކްޓޯރަލް މެނޭޖްމަންޓް ސެކްޝަންގެ އެސިސްޓެންޓް ޑިރެކްޓަރ ވިޝާޙް ސަޢީދު.