ކޮމިޝަނުގެ 942 ވަނަ ޢާންމު ޖަލްސާ
ތަޢާރަފް
މި ޖަލްސާގެ ރިޔާސަތު ބެލެހެއްޓެވީ ކޮމިޝަނުގެ ރައީސް މުޙައްމަދު ޝަކީލެވެ. ޖަލްސާގައި ކޮމިޝަނުގެ 5 މެންބަރުން ބައިވެރިވެ ވަޑައިގެންނެވިއެވެ. އެއީ، ކޮމިޝަނުގެ ރައީސް މުޙައްމަދު ޝަކީލް، ކޮމިޝަނުގެ ކޮމިޝަނުގެ ނައިބު ރައީސް ޢަބްދުއްރަޙްމާން ޞަލާޙް ރަޝީދު، ކޮމިޝަނުގެ މެންބަރު ޙަސަން ޒަކަރިއްޔާ، ކޮމިޝަނުގެ މެންބަރު ޢަބްދުލްޙަސީބު އިސްމާޢީލް އަދި ކޮމިޝަނުގެ މެންބަރު އަލްއުސްތާޛު ރިފްޢަތު ޢަބްދުﷲ އެވެ.
މި ޖަލްސާގައި ނިންމާފައިވާ ނިންމުންތައް ތިރީގައި މިވަނީއެވެ.
1. ކޮމިޝަނުގެ މަޤާމުތަކުގެ ޝަރުޠުތަކާއި މިންގަނޑުތަކާގުޅޭ.
އިލެކްޝަންސް ކޮމިޝަނުގެ އިދާރީ މަޤާމުތަކުގެ ޝަރުޠުތަކާއި މިންގަނޑުތަކުގެ އުސޫލަށް ގެނެސްފައިވާ 4 ވަނަ އިޞްލާޙު ހިއުމަން ރިސޯސް މެނޭޖްމަންޓް ސެކްޝަނުން މިހާރު ހުށަހަޅާފައިވާގޮތަށް، ކޮމިޝަނުގެ 942 ވަނަ ޢާންމު ޖަލްސާގައި ވަނީ ފާސް ކުރައްވާފައެވެ.
އިލެކްޝަންސް ކޮމިޝަނުގެ އިދާރީ މަޤާމުތަކުގެ ޝަރުޠުތަކާއި މިންގަނޑުތަކުގެ އުސޫލަށް ގެނެސްފައިވާ އިސްލާޙުތައް:
- ޝަރުޠު މިންގަނޑަށް ގެނެވުނު 4 ވަނަ އިޞްލާޙުކަން.
2 . މި އުސޫލުގެ ނަންބަރު (ނަންބަރު 2) އިތުރުކޮށް މި ނަންބަރުގެ (ނ) އިޞްލާޙުކޮށް ކޮމިޝަނުގެ ނަން "އިލެކްޝަންސް ކޮމިޝަން" މިގޮތަށް ހިމެނުން.
3. އުސޫލަށް އަންނަ ބަދަލު މި ސުރުޚީގެ (ހ) ގައި މިއީ މި އުޞޫލަށް ގެނެވުނު 4 ވަނަ އިޞްލާޙުކަން.
4. ޖަދުވަލު 1 ގައިވާ މަޤާމުތަކުގެ އަސާސީ ޝަރުޠުތައް އިތުރުކޮށް އަންނަނިވިގޮތަށް އިޞްލާޙު ކުރުން:
- ޖެނެރަލް ސަރވިސް ކެޓަގަރީގެ ސީނިއަރ އޮފިސަރ ގްރޭޑް1 (އެމް.އެސް 1) ގެ އަސާސީ ޝަރުޠަށް 4 ވަނަ ނަންބަރު އިތުރުކޮށް އަންނަނިވިގޮތަށް އެ ނަންބަރު ހިމެނުން. "މި ކޮމިޝަނުގެ އޮފިސަރ ރޭންކުގެ މަޤާމެއްގައި މަސައްކަތްކޮށް 1 އަހަރު ދުވަހުގެ ތަޖުރިބާ ލިބިފައިވުން."
- މިޑްލް މެނޭޖްމަންޓް ކެޓަގަރީގެ އެސިސްޓެންޓް ޑިރެކްޓަރ އެމް.އެސް 3 ގެ އަސާސީ ޝަރުޠަށް 4 ވަނަ ނަންބަރު އިތުރުކޮށް އަންނަނިވިގޮތަށް އެ ނަންބަރު ހިމެނުން. "މި ކޮމިޝަނުގެ ސީނިއަރ އޮފިސަރ ރޭންކްގެ މަޤާމެއްގައި މަސައްކަތްކޮށް 1 އަހަރު ދުވަހުގެ ތަޖުރިބާ ލިބިފައިވުން."
- މިޑްލް މެނޭޖްމަންޓް ކެޓަގަރީގެ ޑެޕިއުޓީ ޑިރެކްޓަރ އެމް.އެސް 4 ގެ އަސާސީ ޝަރުޠަށް 3 ވަނަ ނަންބަރު އިތުރުކޮށް އަންނަނިވިގޮތަށް އެ ނަންބަރު ހިމެނުން. "މި ކޮމިޝަނުގެ އެސިސްޓެންޓް ޑިރެކްޓަރ ރޭންކްގެ މަޤާމެއްގައި މަސައްކަތްކޮށް 1 އަހަރު ދުވަހުގެ ތަޖުރިބާ ލިބިފައިވުން."
- މިޑްލް މެނޭޖްމަންޓް ކެޓަގަރީގެ ޑިރެކްޓަރ އީ.އެކްސް 1 ގެ އަސާސީ ޝަރުޠަށް 4 ވަނަ ނަންބަރު އިތުރުކޮށް އަންނަނިވިގޮތަށް އެ ނަންބަރު ހިމެނުން. "މި ކޮމިޝަނުގެ ޑެޕިއުޓީ ޑިރެކްޓަރ ނުވަތަ އެސިސްޓެންޓް ޑިރެކްޓަރ ރޭންކްގެ މަޤާމެއްގައި މަސައްކަތްކޮށް 1 އަހަރު ދުވަހުގެ ތަޖުރިބާ ލިބިފައިވުން."
- ސީނިއަރ މެނޭޖްމަންޓް ކެޓަގަރީގެ ޑިރެކްޓަރ ޖެނެރަލް އީ.އެކްސް 5 ގެ އަސާސީ ޝަރުޠަށް 4 ވަނަ ނަންބަރު އިތުރުކޮށް އަންނަނިވިގޮތަށް އެ ނަންބަރު ހިމެނުން. "މި ކޮމިޝަނުގެ ޑިރެކްޓަރ ރޭންކުގެ މަޤާމެއްގައި މަސައްކަތްކޮށް 1 އަހަރު ދުވަހުގެ ތަޖުރިބާ ލިބިފައިވުން."
2. ވަރކްޝޮޕް އޮން "އިންޑިޕެންޑެންޓް އެންޑް ޕްރޮފެޝަނަލް އިލެކްޗަން މެނޭޖްމަންޓް ބޮޑީސް ފޮރ ސަސްޓެއިނަބަލް ޑިމޮކްރަސީ" އާގުޅޭ.
އިންޓަރނޭޝަނަލް އިންސްޓިޓިއުޓް އޮފް ޑިމޮކްރަސީ އެންޑް އިލެކްޝަން މެނޭޖްމަންޓް (IIIDEM) އިން 2026 ޑިސެންބަރު 1 އިން 5 އަށް އިންޑިއާގެ ނިއުދިއްލީގައި ކުރިއަށް ގެންދިއުމަށް ހަމަޖެހިފައިވާ "އިންޑިޕެންޑެންޓް އެންޑް ޕްރޮފެޝަނަލް އިލެކްޗަން މެނޭޖްމަންޓް ބޮޑީސް ފޮރ ސަސްޓެއިނަބަލް ޑިމޮކްރަސީ" ވަރކްޝޮޕްގައި 4 މުވައްޒަފުން ބައިވެރިކުރުމަށް އިންޓަރނޭޝަނަލް އިންސްޓިޓިއުޓް އޮފް ޑިމޮކްރަސީ އެންޑް އިލެކްޝަން މެނޭޖްމަންޓް އިން އެދިފައިވާތީ، ޝައުޤުވެރިކަން ފާޅުކުރި މުވައްޒަފުންގެ ތެރެއިން ސެކްރެޓަރީ ޖެނެރަލްގެ މަޝްވަރާއާއެކު އަންނަނިވި 4 މުވައްޒަފުން ވަރކްޝޮޕްގައި ބައިވެރިކުރުމަށް، ކޮމިޝަނުގެ 942 ވަނަ ޢާންމު ޖަލްސާގައިވަނީ ނިންމަވާފައެވެ.
1. ޓްރެއިނަރ، ފާޠިމަތު ޒުހުދާ - ސިވިކް އެޑިއުކޭޝަން އެންޑް ޓްރެއިނިންގ ސެކްޝަން
2. އެސިސްޓެންޓް ޑިރެކްޓަރ، ޢާއިޝަތު ޔުމްނާ ރަޝީދު - ރެޖިސްޓްރޭޝަން ސެކްޝަން
3. ސީނިއަރ އޮފިސަރ، ރަމްޒިއްޔާ އަޙްމަދު - ކޮމިޝަނަރސް ބިއުރޯ
4. ސީނިއަރ އޮފިސަރ، ޙުސައިން ޖިނާދު - އެޑްމިނިސްޓްރޭޝަން އެންޑް ސަޕޯޓް ސަރވިސް ސެކްޝަން
3. އިންތިޚާބާބެހޭ މަރުކަޒު މިހާރު ހުރި ބިމުގައި ޢިމާރާތެއް އެޅުމަށް ކޮންސެޕްޗުއަލް ކުރެހުމެއް ތައްޔާރު ކުރުމާގުޅޭ
އިލެކްޝަންސް ކޮމިޝަނުގެ މަސައްކަތްތައް ކުރުމަށް އެކަށޭނަ ޖާގައެއް ހަމަޖެހިފައިނުވާތީ، އިންތިޚާބާ ބެހޭ މަރުކަޒު ހުރި ބިމުގައި އިލެކްޝަންސް ކޮމިޝަނުގެ މަސައްކަތަކަށް ބޭނުވާ ޢިމާތާތެއް އެޅުމަށް ބޭނުވާ މާލީ އަދި ފަންނީ އެހީތެރިކަން ހޯދުމަށް ސަރުކާރުގެ ވުޒާރާތަކާއި ބައިނަލްއަޤްވާމީ ޖަމްޢިއްޔާތަކަށް ހުށަހެޅުމަށް، ކޮންސެޕްޗުއަލް ކުރެހުމެއް ކުރެހުމަށާއި އަދި މި ކޮމިޝަނުގެ ބަޖެޓުން މި ޚަރަދު ކުރުމުގައި ބަޖެޓަށް ވީހާވެސް ލުއިވާނެގޮތަކަށް އިނީޝިއަލް ސްޓޭޖް ކުރިއަށް ގެންދިއުމަށްޓަކައި، 35,000/-ރ. (ތިރީސްފަސްހާސް ރުފިޔާ) އަށްވުރެ ދަށުގެ އަގެއްގައި މެނޭޖްކުރެވޭނެގޮތަކަށް މި މަސައްކަތް ކުރިއަށް ގެންދިއުމަށް، ކޮމިޝަނުގެ 942 ވަނަ ޢާންމު ޖަލްސާގައި ވަނީ ނިންމަވާފައެވެ.
ޖަލްސާގެ ހާޟިރީ
ކޮމިޝަނުގެ މެންބަރުން5
-
މުޙައްމަދު ޝަކީލު
-
ޢަބްދުއްރަޙްމާން ޞަލާޙް ރަޝީދު
-
ޙަސަން ޒަކަރިއްޔާ
-
ޢަބްދުލްޙަސީބު އިސްމާޢީލް
-
އަލްއުސްތާޛު ރިފްޢަތު ޢަބްދުﷲ
އިސް މުވައްޒަފުން5
-
ޢަބްދުﷲ އުނައިސް
-
ޝަހުލާ އިސްމާޢީލް
-
މުޙައްމަދު އަނީލް
-
އާއިޝަތު ޝައްފާފް
-
އަލްއުސްތާޛާ ޢާލިޔާ ޙަނީފް