5 ފެބްރުވަރީ 08 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލްތަކުގެ ބައި-އިލެކްޝަންގައި ހދ. މަކުނުދޫ ކައުންސިލްގެ މެންބަރުގެ މަގާމަށް ކުރިމަތިލާފައިވާ އިބްރާހީމް މުޙައްމަދު، ކަރާދުނބުރިއާގެ / މާލެ، ގެ ކެނޑިޑަސީ ގަބޫލުކުރަންޖެހޭކަމަށް ދިވެހިރާއްޖޭގެ ހައި ކޯޓުގެ ނަންބަރު 2025/HC-1-SH/1 (23 ޖަނަވަރީ 2025) ޤަޟިއްޔާއިން ކަނޑައަޅުއްވާފައިވާތީ، މި ބައި-އިލެކްޝަނަށް ކުރިމަތިލުމަށް ދީފައިވާ މުއްދަތު ހަމަވިއިރު، ކުރިމަތިލާފައިވަނީ އިންތިޚާބު ކުރަންޖެހޭ ޢަދަދަށްކަމަށް ކަނޑައަޅައި ޤާނޫނު ނަންބަރު 10/2010 (ލޯކަލް ކައުންސިލްތަކުގެ އިންތިޚާބުގެ ޤާނޫނު) ގެ 24 ވަނަ މާއްދާގައިވާ ގޮތުގެމަތިން، ނަޛްރާނާ ޢަލީ، ހުދުވިލާ / ހދ. މަކުނުދޫ، ހދ. މަކުނުދޫ ކައުންސިލްގެ މެންބަރުގެ މަގާމަށް އިންތިޚާބުވެއްޖެކަން ޢާންމުކޮށް އަންގައި މި ކޮމިޝަނުން ކޮށްފައިވާ ނަންބަރު (IUL)38-AC/38/2025/27، (09 ޖަނަވަރީ 2025) އިޢުލާން ބާޠިލު ކޮށްފީމެވެ.

 

ވީމާ، 2025 ފެބުރުވަރީ 8 ވާ ހޮނިހިރު ދުވަހު ހދ. މަކުނުދޫ ކައުންސިލްގެ މެންބަރު އިންތިޚާބު ކުރުމަށް ބާއްވާ ބައި-އިލެކްޝަން އޮންނާނެކަން ޢާންމުކޮށް އަންގައި އިޢުލާން ކުރަމެވެ.