ސިޔާސީ ޕާޓީތަކުގެ ދަފްތަރަށް އެންމެފަހުން ގެނެވުނު ބަދަލާއެކު ޕާޓީތަކުގެ މެންބަރުންގެ އަދަދު އިލެކްޝަންސް ކޮމިޝަނުން ޢިއުލާންކޮށްފި
ޤާނޫނު ނަންބަރު 4/2013 (ސިޔާސީ ޕާޓީގެ ޤާނޫނު) އަށް ގެނެވުނު 2 ވަނަ އިސްލާޙާ އެއްގޮތްވާ ގޮތުގެމަތިން ސިޔާސީ ޕާޓީތަކުގެ ދަފްތަރަށް ގެންނަންޖެހޭ ބަދަލުގެނެސް އެ ދަފްތަރު އިލެކްޝަންސް ކޮމިޝަނުން ޢާއްމުކޮށް ޢިއުލާންކޮށްފިއެވެ. މިގޮތުން ޢާއްމުކުރި ދަފްތަރުގައި ހިމެނޭ މެންބަރުންގެ ތަފްޞީލް ތިރީގައި އެވަނީއެވެ.
23 އޮކްޓޯބަރ 2016 ގެ ނިޔަލަށް ސިޔާސީ ޕާޓީގެ ދަފްތަރުގައި ތިބި މެންބަރުންގެ ޢަދަދު |
||
11 އޮކްޓޯބަރ 2016 ގެ ފަހުން ތިބި މެންބަރުންގެ ޢަދަދު |
ސިޔާސީ ޕާޓީ |
# |
27805 |
ދިވެހިރައްޔިތުންގެ ޑިމޮކްރެޓިކް ޕާޓީ |
1 |
3966 |
ދިވެހިރައްޔިތުންގެ ޕާޓީ |
2 |
7595 |
ޢަދާލަތު ޕާޓީ |
3 |
10989 |
ޖުމްހޫރީ ޕާޓީ |
4 |
37633 |
ޕްރޮގްރެސިވް ޕާޓީ އޮފް މޯލްޑިވްސް |
5 |
10584 |
މޯލްޑިވްސް ޑިވެލޮޕްމެންޓް އެލަޔަންސް |
6 |
ސިޔާސީ ޕާޓީގެ ޤާނޫނަށް ގެނެވުނު 2 ވަނަ އިސްލާހާ އެއްގޮތަށް ޢަމަލުކޮށް އަލުން ޕާޓީތަކުގެ ދަފްތަރު ޢާއްމުކޮށްފައިވާއިރު އެދަފްތަރުން 33085 މެންބަރުން އުނިވެގެން ގޮސްފައިވެއެވެ. މި ފަރާތްތަކަކީ ބަޔާންކުރެވުނު އިސްލާޙާ އެއްގޮތަށް ދެވުނު މުއްދަތުގައި އިނގިލީގެ ނިޝާނާއެކު ކޮމިޝަނަށް ހުށަހަޅަންޖެހޭ "ސިޔާސީ ޕާޓީއެއްގެ މެންބަރަކަށްވުމަށް އެދޭ ފޯމު" އެ މުއްދަތުގެ ތެރޭގައި ހުށަނޭޅުމުގެ ސަބަބުން ޤާނޫނާ އެއްގޮތަށް ދަފްތަރުން އުނިވެފައިވާ މެންބަރުންނެވެ.
މި ބަދަލުތަކާއެކު 12 އޮކްޓޯބަރު 2016 ގެ ނިޔަލަށް ސިޔާސީ ޕާޓީތަކުގެ ދަފުތަރުގައި ހިމެނޭ ޖުމްލަ މެންބަރުންގެ އަދަދަކީ 98572 އެވެ.
24 އޮކްޓޯބަރ 2016