އައްޑޫ ސިޓީ ހިތަދޫ ދާއިރާ އަދި ތ. ވަންދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަން - ވޯޓުފޮށީގެ ސަރަހައްދު ބަދަލުވުން

 (IUL)38-CA/38/2022/209 :ނަންބަރު

އިޢުލާން

އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަން – ވޯޓުފޮށީގެ ސަރަހައްދު ބަދަލުވުން

މިކޮމިޝަނުގެ ނަންބަރު (IUL)38-CA/38/2022/188 (21 ޖޫން 2022) އިޢުލާނާ ހަވާލާދީ ދަންނަވަމެވެ.

2022 ޖުލައި 23 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ އައްޑޫ ސިޓީ ހިތަދޫ ދާއިރާ އަދި ތ. ވަންދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަންގައި، ވޯޓުލާން ރަޖިސްޓަރިވެފައިވާ ތަން ނޫން އެހެން ތަނެއްގައި ވޯޓުލުމަށް ރަޖިސްޓަރީ ކޮށްފައިވާ ޢަދަދަށް ބެލުމަށްފަހު، މާލޭގައި ބެހެއްޓުމަށް ހަމަޖެހިފައިވާ T0.4 (ބައި-އިލެކްޝަން، އަތޮޅު-މާލެ-4) ނަންބަރު ވޯޓުފޮށި ނުބަހައްޓާ ގޮތަށް ނިންމައިފީމެވެ. އަދި މިފޮށްޓަށް ރަޖިސްޓަރީ ކޮށްފައިވާ މީހުން މާލޭގެ T0.1 (ބައި-އިލެކްޝަން، އަތޮޅު-މާލެ-1) ނަންބަރު ވޯޓު ފޮށްޓަށް ވަނީ ބަދަލުކުރެވިފައެވެ.

މަތީގައި ބަޔާންކޮށްފައިވާ ގޮތަށް ވޯޓުފޮށިތަކަށް ގެނެވުނު ބަދަލަށްފަހު، މާލޭގައި ބެހެއްޓުމަށް ހަމަޖެހިފައިވާ ފޮށިތަކުގެ ކޯޑާއި، ވޯޓުފޮށީގެ ނަންބަރާއި، ވޯޓުފޮށީގެ ނަމާއި، ވޯޓުލާ ސަރަޙައްދާއި، ވޯޓުފޮށި ބަހައްޓާ ތަން މި ދަންނަވަނީއެވެ.

ވީމާ، މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.