ސިޔާސީ ޕާޓީތަކާއި މިކޮމިޝަނާ ދެމެދު ބާއްވަމުން ގެންދާ ސިލްސިލާ ބައްދަލުވުންތަކުގެ ދިހަ ވަނަ ބައްދަލުވުން 2010 ފެބްރުއަރީ 22 ވީ ހޯމަ ދުވަހު (މިއަދު) މިކޮމިޝަނުގެ ޖަލްސާކުރާ މާލަމުގައި ވަނީ ބޭއްވިފައެވެ. މިގޮތުން މިއަދުު ބައްދަލުކުރީ ޢަދާލަތު ޕާޓީގެ ބޭފުޅުންނާއެވެ. މިސިލްސިލާގެ ދަށުން މާދަމާ ބައްދަލުކުރުމަށް ހަމަޖެހިފައިވަނީ ދިވެހި ޤައުމީ ޕާޓީއާއެވެ. އަދި މިސިލްސިލާގެ ދަށުން މިއަދާހަމަޔަށް ތިން ޕާޓއެއް ފިޔާވާ އެހެންހުރިހާ ޕާޓީއަކާއި ވަނީ ބައްދަލްކުރެވިފަައެވެ.
މިބައްދަލުވުންތަކުގެ މަޤްޞަދަކީ ސިޔާސީ ޕާޓީތައް ހިންގުމުގައި ޕާޓީތަކަށް ދިމާވާ ދަތިތަކާއި، ކުރިމަތިވެފައިވާ ގޮންޖެހުންތަކަކީ ކޮބައިކަން ދެނެގަނެ، ޕާޓީތަކާއި އިލެކްޝަންސް ކޮމިޝަނާ ގުޅިގެން ޤައުމަށް އެންމެ ފައިދާބޮޑު ގޮތަކަށް ސިޔާސީޕާޓީތަކަށް ޙަރަކާތްތެރިވެވޭނެ ގޮތްތަކަކީ ކޮބައިކަން ދެނެގަތުމެވެ. މި ސިލްސިލާ ބައްދަލުވުންތައް 25 ފެބްރުއަރީއާ ހަމަޔަށް ދެމިގެންދާނެއެވެ.