"މޯލްޑިވިއަން ލޯ ޕާޓީ" ގެ ނަމުގައި ސިޔާސީ ޕާޓީއެއް އުފެއްދެވުމަށްޓަކައި ބޭނުންވެ ލައްވާ ސޮއި ހޯއްދެވުމަށާއި، ކުރައްވަންޖެހިވަޑައިގަންނަވާ އެހެނިހެން ކަންތައްތައް ކުރެއްވުމަށް 2008 ޑިސެމްބަރ 15 ވީ ހޯމަ ދުވަހު އިލެކްޝަންސް ކޮމިޝަނުން އެޕާޓީއަށް ދީފައިވާ ހުއްދަ 2009 ޑިސެމްބަރ 13 ވީ އާދިއްތަ ދުވަހު ބާާޠިލްކޮށް، އެ ޕާޓީއާއި ގުޅޭގޮތުން ވަގުތީ ގޮތުން މުޢާމަލާތް ކުރަންޖެހޭ ފަރާތްކަމުގައިވާ ގއ. ދާާންދޫ، ޖަރީމާގެ އަލްފާޟިލް ޒުންނަވާރު ސަލީމަށް އިލެކްޝަންސް ކޮމިޝަނުން ވަނީ އެކަން އަންގަވާފައެވެ.
"މޯލްޑިވިއަން ލޯ ޕާޓީ" ގެ ނަމުގައި ސިޔާސީ ޕާޓީއެއް އުފެއްދެވުމަށްޓަކައި ދީފައިވާ ހުއްދަ ބާޠިލްކޮށްފައިވަނީ "ސިޔާސީ ޕާޓީގެ ގަވާއިދު 2005 " ގެ 7 ވަނަ މާއްދާގައިވާގޮތުގެ މަތިން ސިޔާސީ ޕާޓީއެއް އުފެއްދެވުމަށްޓަކައި 3000 މީހުންގެ ސޮއި ހުށަހެޅުއްވުމަށް އެރުވިފައިވާ 9 މަސް ދުވަހުގެ މުއްދަތުގެ ތެރޭގައި 3000 މީހުންގެ ސޮއި ކޮމިޝަނަށް ހުށަހަޅުއްވާފައި ނުވާތީ ކަމުގައި ކޮމިޝަނުން މަޢުލޫމާތުދެއެވެ.