ސިޔާސީ ޕާޓީގެ ދަފްތަރުގައި ރަޖިސްޓަރީކޮށްފައިވާ " ދިވެހިރާއްޖެއިން ފަޤީރުކަން ނައްތާލުމަށް މަސައްކަތް ކުރާ ޕާޓީ " ގެ ނަން " މޯލްޑިވިއަން ލޭބަރ ޕާޓީ " ގެ ނަމަށް ބަދަލުކުރުމަށް އެ ޕާޓީން ހުށަހަޅުއްވާފައިވާތީ 2009 ޑިސެމްބަރ 6 ވީ އާދިއްތަ ދުވަހު " ދިވެހިރާއްޖެއިން ފަޤީރުކަން ނައްތާލުމަށް މަސައްކަތް ކުރާ ޕާޓީ " ގެ ނަން " މޯލްޑިވިއަން ލޭބަރ ޕާޓީ " ގެ ނަމަށް ބަދަލުކޮށްފިކަމަށް އިލެކްޝަންސް ކޮމީޝަނުން ހާމަކުރައްވައެވެ. އެ ޕާޓީގެ ނަން މޯލްޑިވިއަން ލޭބަރ ޕާޓީގެ ނަމަށް ބަދަލުކޮށް ސިޔާސީ ޕާޓީގެ ދަފްތަރުގައި ރަޖިސްޓަރީކޮށްފައި ވަނީ " ސިޔާސީ ޕާޓީގެ ގަވާއިދު 2005 " ގައި ކަނޑައަޅާފައިވާ އުޞޫލުތަކާއި އެއްގޮތްވާ ގޮތުގެމަތީން އެ ގަވާއިދުގެ 17 ވަނަ މާއްދާގެ (ހ) ގައި ބުނެފައިވާ ފަދައިން އިލެކްޝަންސް ކޮމިޝަނަށް ހުށަހަޅާފައިވާތީ ކަމުގައި ކޮމިޝަނުން ބުނެއެވެ.